عشان اكون صريحة انا كنت شي وصرت شي بفضل الله ثم بفضل اسماء تغيرت ٣٦٠ درجة للافضل حتى اقرب الناس مني لاحظوا هالشي. احس مهما كتبت ومهما قلت ماراح اوفي بحقها لانه جد لها فضل كبيير علي وفي تحسني مو بس جذي احب اخبرها الاخبار سواء السيئة او السعيده واحسها اختي الكبيره دايما تسمعني و تعطيني التوجيهات والحلول بطريقة جدا حلوه وخفيفه على القلب نفسها ومن كثر ماا لقيت استفاده على ايدها خليت تقريبا كل الناس الي حواليني يكلمونها من امي وصديقاتي والحمدلله استفادوا بعد. في نوع من انواع الراحة لما اتكلم معاها وراحة كامله لما تخلص الجلسه كانها تشيل حمل كبير انا كنت شايفته كبير ومعقدته
مااشوف نفسي مع اي لايف كوتش او ثيرابست غيرها لانه جد جد اهيا غيرر!! ودايما تعطيني مساحة آمنه اعبر فيها عن مشاعري حتى لو كلنت سلبيه 🤍
اتمنى لو عرفتها بعد منزمان بس الحمدلله وبإذن الله بكمل معاها طول حياتي انشاءلله اذا ربي كتب لي العمر وربي يسعدها وييسرلها طريقها ويرزقها مثل ماساعدتني
وجد الي يكلمها ويتعامل معاها جدا جدا محظوظ
Much love 🩷🩷🩷🩷

صراحه مهما كتبت ما راح أوفي أ/أسماء حقها من يوم بدأت معها وأنا أشوف فرق حقيقي في نفسي وطريقة تفكيري أكثر شيء أحترمه وأقدره فيها إنها ما تعطيني حلول جاهزه ولا تفرض علي رأيها لكنها تخليني أوصل للحل بنفسي ولما أكتشف السبب الحقيقي أحس كأن حمل انشال عن صدري وكأنها شالت الغيمة السوداء اللي كانت مغطيه عيوني ومخليتني مو قادرة أشوف الأمور بوضوح
آخر جلسه دخلت عليها وأنا مليانه أفكار ومتشتته وصار لي فتره مو قادره أعيش يومي ولا أنجز وكل شيء أحسه ثقيل وكل مره اقول انا مكتئبه بس استاذه اسماء لها رأي آخر بكل هدوء سمعتني ورتبت أفكاري وساعدتني أكتشف المعتقد اللي كان موقفني ومخليني ما أتطور في حياتي
كنت متعلقه بأشياء وأعتقد أني مستحيل أقدر أتجاوزها لكن بطريقه بسيطه وواضحه خلتني أشوف الموضوع من زاويه مختلفه وقدرت أفهم نفسي أكثر
أحترم جدًا هدوءها واحتواءها وطريقتها في توجيه الشخص بدون أحكام أو ضغط كل جلسه أطلع منها وأنا أخف وأوضح وعندي خطوات أقدر أمشي عليها
شكرًا من القلب على كل جهد بذلتيه معي وعلى الأثر الجميل اللي تركتيه في حياتي ممتنة لك جدًا وأتمنى كل شخص يحتاج دعم يلقى مستشاره بنفس حكمتك واحترافيتك